政壇:政商定格:張宗琪情迷港產陀飛輪

早前行過名店林立嘅中環太子大廈,見到度身訂造頂尖香港名牌詩閣(Ascot Chang)第二代Tony張宗琪喺店內打點,無意間見到佢腕間戴住嘅係港產名牌「萬希泉(Memorigin)」光年系列陀飛輪名錶,原來佢最近迷上陀飛輪。

原來Tony為咗籌備詩閣明年六十周年慶祝活動,經朋友穿針引線,同萬希泉第二代William沈慧林相識。佢哋都係浙江人,同聲同氣,William親自操刀為詩閣設計兩款陀飛輪腕錶,作為明年誌慶之用,Tony就喺舖內銷售萬希泉靚錶,齊為紳士名流裝身扮靚。

Tony話兩款特別版陀飛輪腕錶嘅設計已大功告成,將各生產六十枚,並採用萬希泉獨創嘅機芯刻字技術,將佢爸爸詩閣創辦人張子斌生前嘅簽名刻上。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

張宗琪(右)與沈慧林(左)追求精緻工藝嘅熱情一致,難怪擦出火花。

萬希泉陀飛輪腕錶正式進駐詩閣。