政壇:黑英次子林丰揚威英倫

天文台前台長「黑英」林超英最近冇乜聲氣,原來同太太去咗倫敦聽音樂會。邊個咁有吸引力,令自稱不懂音樂嘅黑英越洋去捧場?原來係佢次子林丰。黑英喺網誌中爆料話,囝囝係專業嘅作曲家,今次應英國廣播公司(BBC)邀請創作樂曲Endless Forms《無盡藏》,當晚由享譽國際嘅BBC交響樂團演奏,係首位作品得以喺英國夏日逍遙音樂節(BBC PROMS)世界首演嘅香港作曲家,字裏行間掩不住對囝囝成就嘅驕傲。

黑英話呢個音樂節號稱係世界上最重要嘅古典音樂節,為期一個半月,今年音樂會多達七十一場,而佢囝囝嘅作品就獲安排喺第六場演出,吸引近六千名觀眾入場聆聽。黑英同太太坐喺台下靜靜欣賞,演奏完畢時,林丰由台下跑上舞台接受觀眾鼓掌祝福,黑英話好感動,形容囝囝自細立志做作曲家,經歷現實生活嘅考驗,終於堅持到底。十年磨劍,換來一分鐘光彩,值得終身回味。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

林丰(圖)嘅作品得到肯定,做爸爸嘅林超英當然感到欣慰。(資料圖片)

林超英