SUN世代：接觸90後認同「我係香港人」
Johnny參與青年義務工作多年，接觸過不少八、九十後，對於輿論批評年輕人嬌生慣養，欠缺人生目標，他絕不同意。Johnny說：「其實好多年輕人，都好清楚自己想做乜嘢，要啲乜嘢，絕對唔係外界諗得咁負面。」
回想當初開始義務工作，Johnny坦言只為挑戰自己，「我不嬲都好鍾意試唔同嘅嘢，咁啱有朋友邀請我參加，我咪試吓。既可以識多啲唔同層面嘅人，亦都可以學吓點做好時間管理。」
但他從中得到的，卻比起初想像的多，「我之前喺加拿大生活咗好耐，對香港人呢個身份，一直唔認同，甚至有段時間好抗拒。」但他從不同活動中，聆聽到不同年輕人眼中的香港，亦慢慢對這片土地產生認同感。「依家，我會毫不猶豫咁話畀人聽，我係一個香港人。」