SUN微博:打橫嚟講:教壞學生現形記

世上,哪會有人不愛自己的家?哪會不愛國?同樣,點解有人成日覺得會有人唔愛國的呢?奇怪!

哦!原來,世界真有啲冚家富貴係唔愛國嘅!佢哋會研究出假雞蛋、毒奶粉、化學地溝油去殘殺同胞;有啲仲仆街折墮的,會造假藥,起豆腐渣工程及串通權貴做盡泯絕人寰的壞事o架!呢啲人渣,才真真正正要受愛國教育薰陶吓嘞!故此,地球上有四分一人,由小到老都不停學習,要終生愛國愛國,至死不渝!

香港六百幾萬人都有良知的,當然樹大有枯枝,所以小部分賤精要知乜嘢是愛國情操!

某騎呢集團眼見身邊很多不愛國分子,遂撰印了一本愛國小冊子,給他們認識的賤精學愛國;本來是一件好事,點知教育局局長吳克儉話內容偏頗,搞到集團頭目兇巴巴的大罵「不是局長講了算的」,對呀!我都要質問局長,人家哪句偏頗?或是全書偏頗?你要講清楚呀!仲有,點解你覺得此手冊咁差?還要全港小學九月起以此學習?你是白癡?定係有病?

講到失常,不及昨天「城市論壇」,有個話係教師的講者余綺華,成件掃把頭上身咁,大讚那被全港正常人媽叉的愛國小冊子;當被一個十六歲小同學踢爆佢咁勇,是有目的,要出選立法會教育界,佢竟發爛渣拍枱大罵兼否認,好!走着瞧吧!此工聯會的婆乸仲話係女童軍副領袖,一點修養也沒有,真唔知邊間學校咁大劑,畀佢教壞學生。

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

就係敢爆:書展有咩書好睇?

讀者可透過智能手機下載「東方互動」app,於「爆料」項上載影片,每個星期三《太陽報》及ontv同步大爆特爆!

email:sunweibo@opg.com.hk

「就係敢爆」網址tv.on.cc/hot

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓24價走勢、最全面地產新聞及筍盤情報