政壇：政商定格：福建幫撐陳亨利選立會
建仔尋晚公布出戰九月立法會直選嘅名單，派出五十三人競逐，其中地區直選方面，港島區派出兩隊，分別由曾鈺成同鍾樹根領軍，九龍西由蔣麗芸做隊長，九龍東則派出陳鑑林團隊，新界西有三隊，以主席譚耀宗、梁志祥同陳恆鑌等為首，新界東兩隊，包括陳克勤同葛珮帆團隊，而劉江華同李慧琼就出選功能組別嘅超級區議會議席。
民協七人分成四張名單出選，其中立法會議員馮檢基會出戰區議會超級議席，民協主席廖成利出選新界西，副主席譚國僑喺九龍西，而許錦成就會出選九龍東。
多個功能組別都激戰連場。好似紡織及製衣界咁，經濟動力陳亨利將大戰富貴黨鍾國斌。尋日陳亨利正式宣布參選，福建社團聯會會長林樹哲現身記招，仲講明佢手頭有幾十票全部都會過畀陳亨利喎。林樹哲話到明有福建人參選，點會唔支持。
陳亨利尋日正式宣布參選立會紡織及製衣界議席。