政壇:政商定格:立會最後晚宴人人鬥寸嘴
立會會期結束,尋晚係惜別晚宴,新舊官員加埋幾十位議員聚首一堂。不過始終係政治人物,個個講嘢時都有弦外之音,連惜別晚宴都不忘寸人幾句。
特首CY梁振英致詞時話立會唔係佢主場,惟有講番啲關於立會嘅嘢,佢笑笑口話見到立會近年工作繁忙,要增聘人手應付,希望日後政府要加人,立會要理解同體諒喎!睇嚟佢對五司十四局架構重組建議未能通過仲係耿耿於懷。
立會主席曾鈺成致詞講得更啜核,佢話要多謝班泛民,全靠佢哋發言時間夠長,令佢可以休息,又多謝埋泛民,話冇佢哋幫手拉布,對佢嘅不信任動議已經提出咗。
高潮位肯定係周一鑊唱歌,佢再次唱首本名曲《忘不了你》,令全場HIGH爆。晚會尾段係CY率領一眾高官獻唱《前程錦繡》,顯示團隊精神。
長毛梁國雄(右)中午至踩完CY(左)場,夜晚又話要送本書畀佢。
周一嶽又再唱《忘不了你》嚇人。