政壇：黃楚標撐愛駒輸疊金牛
沙田馬場尋日舉行煞科賽，唔少久未露面嘅馬主都入場碰吓運氣，希望贏番個尾彩。早排因貪曾租住名下深圳東海花園物業而爆發一場風波嘅「深圳王」全國政協委員黃楚標，都有入場撐佢隻新馬「飛霹靂」。
見佢拎住成疊金牛走入投注區，落完一轉，與同行朋友傾咗兩句，又行番轉頭落多次注，真係豪。不過愛駒可能首次出賽經驗不足，最終四甲不入，成疊金牛捐晒畀馬會做善事。雖然係咁，佢都無損心情，仲笑笑口話月底將會飛蘇格蘭一周，打高爾夫球兼度假。
同行波友係邊個呢？原來係前中策集團主席馬時亨。至於東海花園個單位現時有冇出租，黃楚標就封嘴唔講嘞！
