正當各模於書展買書送肉瞓身力谷，已升神級模姨的拿拿姐變身淫嬸判官，吟盡小師妹。後知後覺的凸區淫嬸處讀報後立即補鑊，拿拿聲急電拿拿姐，力邀加入淫嬸軍團。
淫嬸處：係咪拿拿姐？我哋係淫嬸處。
拿拿姐：咩處話？好早已經唔係處咯噃！
淫嬸處：係凸區淫嬸處，我哋想請你加入。
拿拿姐：點解搵我？因為我令你哋驚艷？
淫嬸處：係月經個經，驗身個驗。
拿拿姐：我淨係識轟爆佢哋大而無當，教壞細路。
淫嬸處：我哋就係想你從大方面着眼，你一定分得清邊個真邊個假，仲有可以借你法眼，幫海關挑出A貨。
拿拿姐：我唯一係唔想做嬸，我仲咁正！
（花生友如有對號入座，請食自己）