政壇:讀者爆料長棍拉埋天窗

七十後漫畫家林祥焜(花名:長棍)同女友Zola拍拖逾十年,終於喺月內拉埋天窗啦!長棍並無將婚訊公告天下,係心水清嘅讀者喺婚姻註冊處睇到兩人嘅結婚通知書,向本報爆料至知。

長棍八九年已經開始畫漫畫,成名作係《果醬》同《超人先生》,相信唔少漫畫迷都睇過。多才多藝嘅佢九五年起亦有夾band,主要走punk路線,出過幾張唱片。咁多年來,幾乎所有潮流雜誌都有搵過長棍寫專欄,畫吓漫畫、插畫咁。佢都慨嘆過,畫漫畫搵唔到食,所以近年多數畫插畫,特別係畫靚女,佢筆下嘅性感美女個個都好索o架!

○九年長棍喺香港、台北舉行咗首個巡迴個人展覽,展示二十年來嘅精彩作品,如今結埋婚,人生進入另一新階段。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報