政壇：政商定格：菁英會林存湄改中英文名
本身做註冊臨床心理學家嘅菁英會成員Agnes林存湄，近日改名為Candice林玥彤，原來佢從小就唔多鍾意自己個名，每次親友叫佢個名就覺得周身唔自在，於是決心改名。Candice同玥彤兩個名都係帶有陽光與朝氣嘅意思，佢話希望可以帶來正能量。
Candice嘅工作係幫助情緒病人克服心理障礙，所以佢都好留意有關心理學嘅研究報告。話說前排佢睇到香港大學做咗個研究，將兩碗飯分別放喺兩間房，一碗就接受良好評價，另一碗就接受負面評價，結果前者顏色變得好鮮艷，後者就發晒霉。結果顯示，負面說話係會帶來壞影響，碗飯就話發霉啫，但一個活生生嘅人會變成點，大家可想而知。
林存湄改名林玥彤，希望將陽光與朝氣注入生命。