SUN微博：Sun畸事：一代人

升中派位結果出爐，父母苦心「栽培」子女終見成績。一位女家長視女兒學業為事業，辭工留家全職教女，安排五花八門的課外活動：色士風、鋼琴、游水、高爾夫球……一代人一代教育，回想當年，父母給了我空白的履歷，我卻用它來進了band 1。

記者：恭喜晒！個女考到好成績入英中。

慈母：我個女嘅學業就係我嘅事業，我今日終於事業有成！

記者：請問你有咩教女心得？

慈母：我畀最好嘅嘢佢，安排佢學色士風、鋼琴、游水、高爾夫球……

記者：咁個女係會唔會好辛苦好大壓力？

慈母：其實最緊要都係佢健康成長，不過以上活動都係要出席嘅……

記者：上到中學會唔會繼續要佢參與咁多課外活動？

慈母：會！當初學呢啲就係為咗入中學，之後學多啲去入大學，再學多啲，出嚟社會做嘢都有優勢啦！

記者：履歷上面幾行字，真係咁重要？

慈母：梗係啦！呢個係學歷社會。

（花生友如有對號入座，請食自己）