政壇：政商定格：吳文華退休做龍友

立法會秘書長Pauline吳文華嚟緊九月就會退休歎世界，趁立會最後一個星期開會，佢請大家食「散水餅」，仲透露退休後得閒會重返立會做兼職帶導賞團，等佢可以欣賞番自己對新大樓安排嘅一枱一櫈。

Pauline話八月會去加拿大旅行兼探朋友，十月尾就去澳洲同新西蘭玩三個禮拜，所以佢卸任後第一件事就係要買番部新相機，方便遲啲周圍去影相。

秘書處喺星期日夜晚為議員舉行惜別晚宴，各黨派曾密斟向Pauline送上離別禮物，佢就用比較調皮嘅口脗話：「我知道有禮物，但唔知佢哋會送乜喎！」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

Pauline話退休後會重返立法會，兼職帶導賞團。