政壇：搞搞政：沈校長樂見學生鬧鬧鬧
中文大學近日就因為校內事務鬧得熱烘烘，中大校長沈祖堯尋日喺網誌撰文，話中大學生好關心餐廳招標同外判問題，透過橫額、傳單同社交網絡表達不滿，可能市民大眾會好奇，點解大學生唔專心學業，反而偏愛管呢啲「瑣碎小事」，行政部門亦可能會認為無端端被指摘，但佢就有另一個睇法。
沈校長話既然大學教導學生慎思明辨、追求社會公義同負起公民責任，學生自然會關注校園事務及參與其中，行政部門唔應該視之為對權威嘅挑戰，公眾亦唔應該睇成「80後、90後年輕人嘅惡劣態度」。佢希望大家將學生嘅行為，睇成學習過程，高等教育嘅其中一環，當面對爭議，大家應該放下成見，學習和而不同，合力解決問題先係上策。
設計圖片