政壇：傻強話審計署長係鄧國威

話說尋日有立法會議員追問新任審計署署長孫德基的操守有問題，質疑政府點解要委任佢，負責答問題嘅財經事務及庫務局局長陳家強就話，前署長鄧國威係公務員身份都惹人質疑，認定乜嘢背景都有人不滿。白鴿黨嘅甘乃威聽到後即刻寸爆陳家強，話佢連自己人個名都搞錯，點做局長呀？陳家強雖然知衰，但塊面就當堂黑晒。

咁又係嘅，前審計署長係鄧國斌，但陳家強就講咗佢細佬、公務員事務局局長鄧國威個名，竟然馮京作馬涼，難怪畀議員窒嘅。政界幫佢改咗個花名叫傻強，原來確係有道理。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

陳家強叫錯同袍嘅名被議員糾正，即刻面都黑晒。