SUN世代：尊重老師傅唔擺老闆款
步入潘穎安三千多呎的辦公室連工場，不少工人埋頭苦幹為破舊的皮具翻新。這時，潘穎安行近他們，了解工作情況，期間有說有笑，展露招牌笑容，看起來與藝人張家輝十分相似。「我哋有時都會叫佢張家輝o架！」公司的職員笑着踢爆老闆的花名。
這名星味十足的老闆，曾經出現過管理難題，「我第一次做生意，好想同員工融洽相處，唔想擺老闆款。不過，公司好多都係老師傅，但我就係年輕八十後，要令呢班前輩信服我，有時會出現唔少爭拗，但後來大家都了解我嘅為人，都知道係為公司好。」在工場內，正播着張國榮、陳百強年代的歌曲，相信都是員工自選靚歌。老闆給予自由同尊重，難怪經過數年時間，當年的開國功臣仍然安坐工場，為潘穎安打天下。
潘穎安（左）與員工相處融洽，並一同研究改良技術。