SUN微博：打橫嚟講：阿尾升grade

自詡公信第一的《明報》，趁藝人羅慧娟離世，送她一首《A May Sing Grace》，引起各方笑爆嘴，該報娛記水準低，還不難理解，但那版守尾關的編輯不知教會有《奇異恩典》《Amazing Grace》這小學常識的嗎？

凡無料弱能者，因緣際會無啦啦上位，去到一個以佢能力無法承受的高位時，仲死頂，卻不知因由，最終，一定無好結果收場，這叫做「彼得定律」（Peter's Principle）。

香港新政府班子，一眾水平低下，只屬C級質素，中文譯名為「丙組級數」。今日香港政局，譎詭多變，日日新鮮日日甘，靠這幫水鬼？唔亂才怪！

五年前，林鄭月娥以初任局長之名，孤身踩入皇后碼頭，單拖舌戰群雄，不管成效如何，起碼夠薑兼贏到「好打得」之譽，一個「妹仔」成名記，便由此一戰定江山！

僅僅五年的中層歷練，可足夠在中國大地上當政治高層嗎？說說笑吧！加上此姝老家，定居在大不列顛，若非香港人才凋零，土共無件見得人，真係幾時輪到佢吖？

民望高？哈哈！幾時高過吖？只是其他「霎丙」實在低處未算低而已！蜀中無大將，廖化作先鋒，看看今日新班子的「霎丙」，個個不是身有屎出事的，就係着起龍袍不似太子的騎呢怪，唉！

作為不能移民遠走的香港人，今後都唔知點算！這是坊間憂慮「阿尾升grade」的原因囉！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：藉着遊行說＿你

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot