SUN微博：Sun畸事：啞洲電視，我想笑嘅地方

啞視小弟弟：有跣大哥哥，我都係唔要你個倫敦奧運二百小時開心樂園賣大包套餐喇。

有跣大哥哥：唔係因為禮義廉抽水啩？我哋明明講好咗喎，好地地做咩唔要呀？

啞視小弟弟：因為無跣大姐姐嬲嬲囉，佢話要共同進退，唔係就會話畀正苦知我講大話，等佢罰我連小弟弟都無得做。

有跣大哥哥：咁我幫你同無跣大姐姐講掂佢啦，最多幫你賠埋禮道個歉啦。

啞視小弟弟：好嘢！多謝大哥哥！不過仲有呢，我之前仲係「落地」孩兒嗰陣，應承會分埋個開心樂園餐畀廣東省小朋友，唔知得唔得呢。

有跣大哥哥：噢賣葛！咁咪會搞到人哋個獨家派餐權？曳曳！唔得、唔畀o架！

啞視小弟弟：吓？我好驚呀，點算好？我只係畀條雞腸佢食，全程唔用廣東話，得唔得呀？

有跣大哥哥：傻豬！我個餐得廣東菜咋，你唔好以為有張「國際枱」就咩菜都可以上啦。

啞視小弟弟：嗚嗚嗚！咁點辦呀？

有跣大哥哥：如今之計，只有如此……

啞視小弟弟：？？？

有跣大哥哥此時從身後提起一張名為「無牌奇妙枱」的摺枱，大叫：＿你個街啞視嚟嘅喂，忍你好耐喇！

（花生友如有對號入座，請食自己）