尋日喺馬場遇到代理日本樂聲牌產品嘅信興集團副主席David蒙德揚，提起日本日前聲言會將釣魚島「收歸國有」，激發起全球華人憤怒，問佢怕唔怕呢件事會引起港人抵制日貨，佢就好淡定咁話，港人包容性高，唔擔心會影響生意喎。
David話日本製品已滲透世界各地，就算件貨唔係日本牌子，裏面嘅零件都係日本製造，要避都避唔開。佢笑言，香港人咁鍾意食日本嘢，如果抵制日貨，大家咪冇得食囉！
蒙德揚認為港人包容性高，唔擔心會抵制日貨。
