政壇：政商定格：莎莎孫仔王子風範
莎莎老闆郭少明尋日為首個男孫Jacob陳頌言舉行百日宴，已經十六磅重嘅Jacob，遺傳咗爸爸嘅美男氣質，着起BB版西裝，十足「莎莎王子」。喺喜宴上，首次榮升公公嘅郭少明「孫不離手」，Jacob同佢特別有緣，依在公公懷中，乖到極。
產後嘅莎莎太子女Melody郭詩慧極速修身，孖住老公Davis陳振邦恩愛現身。Melody湊仔親力親為，唔單止餵人奶，沖涼、換片亦一腳踢。為讓囡囡住得開心，郭少明近日將早前購入嘅山頂大宅裝修好，等女兒有個更舒適嘅安樂窩，盡快三年抱兩喎！而Davis尋日身上嘅Vivienne Westwood恤衫原來係Jacob送畀佢嘅第一份父親節禮物，着上身特別冧。
陳頌言（左二）穿上西裝，與婆婆郭太（左一）、公公郭少明（左三）、媽媽郭詩慧（右二）及爸爸陳振邦出席百日宴。
精靈活潑的陳頌言，深得長輩歡心。