上環街市天花「滴蠟」

【本報訊】「一滴滴白色，好似蠟咁流落嚟，都唔知咩嚟？積咗幾堆喺地下好耐都冇人理！」鍾小姐指出，上環街市地下近扶手電梯的天花滲漏多年，一直無人處理。

現時地面亦積有多處污漬，雖曾多次向食環署反映，惟一直未獲正視，擔心遲早會有途人頭頂「中招」，甚至被地上污漬滑倒。

食物環境衞生署發言人指出，接獲本報轉介後，已聯同建築署職員巡查，發現天花位置有白色沉澱物，經視察後懷疑該位置的上層地面或有破損，每當沖洗地面時便會有水分於破壞位置凝成白色液體，繼而由天花滴向下層地面，該署已指示街市管理承辦商職員清洗該處，並已要求建築署派員跟進及進行適當維修。

「街市明明係食環署管理嘅地方，平日有巡查都見唔到？點解吓吓都要市民經傳媒轉介先做嘢？」鍾小姐直指食環署表現令人失望，要求該署認真管理轄下設施，及認真處理市民投訴。