政商定格：邱榮光年救幾千賭徒
有「環保博士」之稱嘅經濟動力大埔區議員邱榮光，除瞓身環保事業外，仲係平和基金主席，專幫賭徒脫離賭海。佢話唔少人都輕視賭博問題，其實本港每十個人就有六、七個係賭徒，不容忽視喎！
邱榮光話賭博無處不在，小至麻雀館，大至「過大海」，每年都有唔少人因而輕生，該基金屬下四個輔導中心同求助熱線，每年就救番三、四千條生命，基金仲有研究同教育小組，向社區同學校推動戒賭工作。
講到最棘手嘅問題，佢話網上賭博最難監管，唔少年輕人以為上網賭吓老虎機好小事，但其實已經犯咗法，隨時搞到一身蟻。
