前日嘅七一回歸紀念活動排到密麻麻,唔少政商界名人一日走幾場,仲忙過返工。全國青聯副主席陳仲尼(Rock)嗰日晨早出席完升旗禮後,夜晚又要去睇煙花匯演,而下晝三點鐘就喺中環見到佢同太太區海倫同兩個寶貝仔食晏享天倫樂,之後仲去服務台用午飯收據換取免費泊車添!阿Rock話趁中午有空檔就同家人食飯,之後返屋企抖抖再出動,務求以最佳狀態出席。
陳仲尼同太太區海倫及兩個寶貝仔喺中環食晏。