SUN熱辣：無錢開飯好心食肆接濟
雖不幸遇騙，可幸人間有情！林女士被騙財後，每月只剩約一千元過活，生活捉襟見肘，三餐不繼，無錢開飯時，她會到附近街市的食肆門外呆站「望梅止渴」。幸運遇上不少熱心的食肆店員，不問緣由出手相助，免費為她提供熱騰騰的美食，助她渡過難關。
涉嫌詐騙的女子落網，林女士終可重過正常生活，她更特意前往街市，感謝一眾「恩人」。「見過佢落嚟幫襯，但好多時見佢企喺舖頭門外好耐，唔知佢等乜，應該都係想食嘢，如有米粉賣剩，就會畀佢。」其中一間粥麵店職員卓先生表示，並不知悉林背後故事，惟該店收舖時如有賣剩食物，都會送給她。
另一間車仔麵店職員亦謂：「有時見佢企喺度，覺得都係啲弱勢社群，會畀啲糕點佢。」林女士直言，沒想到這些店員在不知她的經歷下，仍願意主動伸出援手，送上暖意，令她感激不盡。
林女士（右）到街市向贈送食物給她的好心職員道謝。
粥麵店職員卓先生（右）會將賣剩的食物，轉贈林女士。