SUN世代：對社會有抱負 捉賊採訪都試過

從小關心時事，Kian對社會充滿使命感，學生時期曾加入民間政策研究機構，探討政治及經濟議題，又曾立志要做警察，更做過記者。雖然，他現在並非走在社會最前線，但他未有忘記自己對社會的抱負，希望將來可貢獻一腔熱血。

做個好警察伸張正義的夢想雖未有實現，但Kian的熱血並非「得個講字」，面對罪案發生，他絕不手軟，「有次喺中環見到有人搶嘢，我追咗個賊幾條街，終於捉到佢，當時無諗過佢可能有武器，諗番先覺得自己太衝動。」

平日，他最愛閱讀時事評論文章，而原來他亦曾在報社當過幾年財經記者，做過網絡電視主播主持財經節目。回憶主播生涯，他最怕在節目直播中途有突發新聞彈出，要他臨時執生︰「有時候會有最新財經消息要報道，導演就嗌咪同我講︰『有個GDP（國內生產總值）啱啱出咗，你噏幾句啦﹗』，咁我就會好緊張﹗」