政壇：政商定格：梁青華十萬包廂睇歐國盃決賽
喜運佳鐘錶常務董事梁青華獲邀免費到波蘭睇歐洲國家盃，由四強賽事睇到冠軍爭奪戰，唔使日夜顛倒睇電視。佢越洋報料話決賽日嘅廂房票價一票難求，被炒至一張近一萬歐元，即係約十萬港元，真係難以置信。歐債危機未過，唔通球迷睇波緊要過開飯？
佢話今次豪華全包宴由瑞士鐘錶名牌HUBLOT贊助，首站先去華沙睇四強賽，然後轉去烏克蘭睇決賽，佢坐喺價值十萬元嘅廂房欣賞賽事，真人令人羨慕。無賽事嘅時候，佢就趁機暢遊波蘭，包括七十年前屠殺過百萬名猶太人嘅集中營。
佢係意大利隊嘅擁躉，入場觀戰時好鬼投入，唔止將意大利國旗彩繪喺面上，仲買咗唔少意大利嘅紀念品。雖然佢仍身在歐洲，但不忘喺香港馬會落重注，梗係買意大利贏啦！
難得畫花塊面，梁青華確係意大利隊忠實擁躉。（受訪者提供）