政壇：楊哲安唔撈政助做「獵頭」族
尋日新政府上場，前朝多名正副局長同政治助理各散東西，其中一個就係前教育局政治助理Jeremy楊哲安。佢尋日凌晨就係社交網站facebook（fb）留言，仲上載一張同太太張燊悅及兩個囡囡喺沙灘影嘅開心家庭照，多謝大家過去四年對佢嘅支持、批評同鼓勵，仲話今後佢喺fb嘅一切留言已唔再代表政府，純粹係個人睇法喎。
Jeremy仲更新fb內有關僱主嘅資料，佢由今年八月開始會擔任獵頭公司Russell Reynolds Associates（羅盛諮詢）嘅執行董事，實行入商界搵真銀。有老友就留言笑佢做「城市獵人」，亦有人睇中佢對教育政策有一定認識，趁機問佢有冇興趣合作搞電子課本。