點解要上街
梁先生（教師）：「曾蔭權又話做好呢份工，結果完全無做嘢，小市民面對租貴、樓貴、交通費貴真係好辛苦，曾蔭權攞零分。」
黎先生、黎太（貿易）：「平時喺內地做嘢，無乜機會可以發言，今次特登行出嚟係希望中央唔好再干擾香港內政，香港人唔好咁多自我審查。」
梁先生與四歲半仔仔：「警方愈係用胡椒噴霧對付示威者，我就愈係要帶仔仔出嚟遊行，九七以前都無咁嚴厲。另外不滿曾蔭權貪小便宜。」
葉生葉太、葉小朋友（7歲）：「政府對弱勢社群嘅保障根本唔足夠，好多市民嘅收入比以前不升反跌，貧窮懸殊愈嚟愈嚴重。」
關同學（中六學生）：「第一次來七一遊行，想盡公民責任，抗議地產霸權，曾蔭權施政咁差、又貪小便宜，應該反省。」
黃先生（社工）、黃小朋友（6歲）：「今次帶小朋友出嚟遊行，係想佢感受吓香港市民對七．一嘅睇法，希望今屆政府可以正視低下階層訴求。」
梁先生（教師）
黎先生、黎太（貿易）
梁先生與四歲半仔仔
葉生葉太、葉小朋友（7歲）
關同學（中六學生）
黃先生（社工）、黃小朋友（6歲）