SUN人論壇：十五年已變

唔經唔覺，原來回歸已經十五年，唔需要多講，呢十五年令到唔少香港人苦過弟弟，香港特區話就話「強政勵治」，完全係得啖笑。香港搞成咁，真係要多得特首曾蔭權爵士施政失職連連，政治風波不斷，搞到民不聊生，怨聲載道。好多人唔知特區政府做緊乜，之但係唔少網民一講「特衰政府」，即刻媽聲四起，好有共鳴。

呢個當然啦，鬼叫成班港英餘孽放任不管，只係識得叫埋啲假大空嘅口號，三不五時便輪番疲勞轟炸，乜嘢「要打逆境波」呀，乜嘢「起錨」呀、乜嘢「獅子山精神」呀，臨尾煲呔曾仲要整番首「幾許風雨」，都唔知係攞景定贈興！

只不過短短十五年，香港人由朝氣勃勃變成死氣沉沉，「五十年不變」？咪玩啦，再係咁落去，香港想有運行都幾難！

本欄逢星期日見刊。園地公開，歡迎就時事局勢發表意見。請附上個人資料，電郵至sunmanforum@gmail.com