政壇：「藝術金主」包陪麗捐15萬

已故船王包玉剛女兒包陪麗係專業畫家同雕塑家，前晚佢獲頒萬寶龍國際藝術贊助大獎，表揚佢喺藝術方面嘅貢獻，包陪麗一襲高貴晚禮服出席活動，佢話對獲獎感到好驚喜，但亦好緊張，自己並冇諗過會獲得呢個獎項。

呢個大獎既係藝術成就嘅肯定，仲有一萬五千歐元（約十五萬港元）嘅款項添，包陪麗話大會很鼓勵藝術發展，所以佢決定把呢筆意外之款投入香港藝術中心嘅發展。

包陪麗擔任香港藝術中心主席多年，多年嘅工作令佢發現，喺香港做有關藝術嘅發展唔易攞贊助，所以佢自己獲獎，都攞去資助中心發展。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

包陪麗獲頒藝術贊助大獎，佢自己都話好驚喜。