歐國盃：卡拉OK酒吧一早Book爆

超強戲碼加上連續兩日公眾假期，今晚的決戰勢必掀起全港不夜天睇波熱潮。據知多個商場均會舉辦睇波活動，力求谷盡人流，食肆甚至小型茶樓亦會加入搶客戰，而不少卡拉OK及酒吧等睇波「聖地」，決賽日均早已預約「爆棚」。

全港多個大型商場包括觀塘apm、屯門市廣場、奧海城等今晚都會直播決賽，當中apm會舉行馬拉松式嘉年華會，更請來人氣偶像周秀娜及MC Jin任嘉賓。商場負責人預料整個歐國盃期間人流高達760萬人次，較去年上升約13%，生意額達港幣2.2億，較去年上升約17%。

意大利波衫加價照樣搶手

睇波現商機，不少食肆及卡拉OK都趁機分一杯羹。Neway執行董事溫國樑表示，歐國盃期間生意額上升一至兩成，今晚決賽睇波時段，部分旺區的分店早已預訂滿座。甚至一些安裝了收費電視的小型茶樓，每晚直播時段最低消費60元亦座無虛席。同時灣仔利景酒店地庫餐廳酒吧Champ's，經理Kenny證實決賽的睇波套餐已爆滿。

除食肆外，直接受惠的還有球衣店，旺角球衣精品店自由球負責人羅先生指出，意大利的球衣即使由五百多元加價至六百元以上仍被球迷掃光，最受歡迎的球衣印字為「腦殘」巴洛迪利。