候任特首CY梁振英大宅捲入僭建風波,估唔到演變成一堂通識課,事關原來測量師都分六種咁多。日前喺旅港蘇浙滬各界人士齊聚嘅晚宴上,見到長實執行董事「趙樓神」趙國雄,佢話產業測量師同建築測量師真係唔同,所以都理解CY一路冇察覺。佢話今次事件顯示買二手樓有風險,所以大家最好買一手樓喎,趁機推銷樓盤。
趙國雄(右)推銷樓盤功夫一流,左為前仁愛堂主席張心瑜。