本報記者直擊恐怖浴血之旅

【本報訊】「突然傳出『嘭』一聲巨響，就聽到有人叫『好大鑊』，跟住有人頭破血流走出氣球管制區，大家咪知出咗大件事囉。」本報記者事發時剛巧陪九歲兒子在現場遊玩，在事發前見到氣球升空正常，其後坐吊車返回地面前，目睹氣球似不夠浮力，當他途經人工湖後，即聽見背後傳來巨響及有人大叫，大批遊客湧前查看，但遭受保安員的阻攔，勸告大家「唔好睇」。

遊客震驚促樂園改善

港人羅先生因四歲女兒放假，專門請假與妻子陪她入公園享受家庭樂。女兒一直嚷着要玩氦氣球，惟因妻子懷孕及她年幼，擔心上高處對妻女有危險而無中招。他知道氦氣球出事後大呼好彩，否則乘坐時跌下來後果難料。

四川女遊客李小姐，原本打算玩氦氣球，因不想排隊而避過一劫，她質疑「香港主題公園咁鬼兒戲，所以對機動遊戲沒有信心」。另一名浙江女遊客陳小姐，則對意外感到好驚，不相信「咁穩陣嘅遊戲都會出事」。來自四川成都的姓張女教師，首次遊覽海洋公園即遇氣球墜落感到震驚，希望園方改善安全，加強留意機動遊戲隱患。因此她不敢玩高空遊戲，提醒朋友日後到海洋公園時小心。山東遊客初先生稱，安全最重要，園方應吸取教訓作出改善。