SUN熱辣：港空氣質素衰過孟加拉

本港空氣質素指標（AQO）沿用廿五年，氣候逃犯曾蔭權承諾任內收緊AQO，但港府拖延多年至今年初才發表修訂方案，即使一半指標採用世衞指引的最低門檻，新加入的微細懸浮粒子（PM2.5）濃度甚至「衰過孟加拉」，但港府推諉須草擬相關法例予立法會審批，堅持拖多兩年至二○一四年落實。有環保團體批評港府為免長期超標捱轟，已大玩數字遊戲蒙混過關，現仍採「拖字訣」將黑鑊卸予下屆政府，怒插曾蔭權縮骨卸膊、講大話。

將黑鑊留給下屆政府

健康空氣行動項目主任王燦妮批評新指標儼如「將考試合格標準由六十分加至六十五分，但學生本身已考獲七十分」，諷刺當局根本無心改善空氣問題。

她又踢爆環境局局長本身有權即時更新AQO，毋須經立法會審議程序，認為港府大耍「拖字訣」，「好難唔懷疑佢係刻意放生發展項目，同埋將隻鑊留畀下屆政府孭。」

事實上，本港空氣污染問題早已叫海外僱員卻步，今年初調查顯示，本港商界領袖已不再視香港為亞洲首選工作地點。

合眾人事顧問總經理蘇偉忠坦承空氣質素是海外僱員來港工作五大考慮因素之一，綜觀本港空氣問題多年來無改善，近年更落後於新加坡，惟港府暫無實際措施改善，他促請新政府正視空氣污染問題，否則長遠勢削弱香港競爭力。