SUN微博:打橫嚟講:回歸十五年的香港人願望
何謂厚顏無恥?聽見嗰件打柴特首曾蔭權喺電台嘅「聲演」,就明白晒!兼火都嚟埋!
呢條粉皮煲呔,飲香港水大,出香港公帑糧幾十年,仲撈到最頂級位置,回顧轉頭,佢對香港有何貢獻呢?
勿說貢獻!淨係依家留下的手尾,或搞到一pat屎的事項,多到傳媒要用「特輯形式」日做夜做都講之不盡,此處不贅述喇……好Q慶呀!
佢厚顏無恥之處,在於香港畀佢搞到咁差惡劣之際,佢喺大氣電波中說,現臨收皮前,被大眾市民猛烈批評,話佢廢柴無能,佢也不會生氣,甚或已預咗喺咁喎!這仆街之叫人×佢阿媽,超賤之餘,仲要拉人落水,拉別人的裙去冚佢隻爛腳;佢話美國克林頓、英國戴卓爾夫人就算幾有貢獻,下台前咪一樣被人狠批,所以,佢畀人鬧也不當作一回事喎!哼!佢將自己媲美國際級的大政治家,係佢白癡自卑作祟的自大啫!但,佢的無能和貪婪,才讓佢被香港人鄙棄和媽叉佢老祖,佢居然當無事發生,聽不見、看不到,你話慶唔慶吖?
在此,要求胡主席或新一屆政府,反正都早已調派大批軍力保衞主席主持回歸大典,事成後,那批兵力不如留守各大離境口岸地帶,不要讓煲呔趁亂閃走,因佢熟識海陸空走位o架!實要留番低佢喺度受審,徹查佢啲貪腐問題,還香港人一個交代,這是我們回歸十五年的願望啊!
彭志銘
次文化考古學家,對城中潮語有深入研究,博徵博引,廢官廢人行埋一邊。
歡迎add我facebook一齊鬧爆夕陽政府
就係咁爆:僭行空間2
讀者可透過智能手機下載「東方互動」app,於「爆料」項上載影片,每個星期三《太陽報》及ontv同步大爆特爆!
email:sunweibo@opg.com.hk
「就係咁爆」網址:tv.on.cc/hot