政壇：搞搞政：黃靜文臨別變鸚鵡
應該唔會留任下屆政府嘅政制及內地事務局副局長黃靜文，尋日最後一次代局長譚志源出席立法會大會，回應議員就民運人士李旺陽事件嘅質詢。泛民主派嘅議員提咗一堆關於李旺陽事件嘅問題，佢只係不停重複「我真係無資料可以提供」同「我唔知道特首嘅諗法，我唔可以代佢答」兩句。
跟住班議員不停問知唔知煲呔曾同候任特首梁振英有冇趁住上京，向北京反映港人訴求，黃靜文話煲呔曾同CY已分別向北京反映港人對呢件事嘅關注，佢冇進一步資料可以提供。佢又話，雖然當局事前有就質詢同特首辦及候任特首辦溝通，但佢根本唔知道案件嘅調查情況，又話自己唔知煲呔曾喺北京嘅行程，但就話相信內地政府會對外公布調查結果喎！
黃靜文好似鸚鵡咁，問乜都係答嗰兩句，當然畀班議員狂插啦，但其實啲議員都好明白佢係夾心人嚟嘅。
設計圖片及對白