政壇：邱李茂琪唔會刻薄工人

名媛邱李茂琪尋日出席一本烹飪新書嘅發布會時透露，去過全球超過五十間米芝蓮餐廳，又話：「會帶埋小朋友去試，好味我哋就會試，唔係貴先食。」

問到近日爆出兒歌天后李紫昕疑刻薄印傭，要印傭瞓洗手間，家中聘有多名傭人嘅佢就話：「喺微博見到張相，以為係香港啲劏房，咁做唔係咁好，工人幫屋企咁多，唔應該咁對佢。我同工人感情好好。試過租碟，佢哋走晒嚟我間房一齊睇戲，我結婚時工人仲留我套衫喺娘家，話驚我返嚟會冇衫着。仲試過有次我攬住個枕頭，工人以為我住唔慣，於是擔心到喊，所以佢哋離職，我都喊到變豬頭。」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

邱李茂琪同傭工相處融洽，感情好好。