SUN世代：黎巴嫩見客 旅程驚心動魄
負責公司的業務發展，令Eric需不斷到不同國家見客，除歐美外，他更到訪過不少「特別國度」，「去咁多地方之中，印象最深刻係去黎巴嫩，當時一離開機場，就見到成條街都係荷槍實彈嘅軍人，唔同建築物上面，都有好多大大小小嘅子彈窿，見到真係震一震。」幸運地，他於該次行程的衣食住行，皆由客人安排，他亦得以「無穿無爛」完成旅程。
黎巴嫩之旅平安無事，他卻於在杜拜傾生意時遇上車禍，「當時我哋搭的士去目的地，點知遇上車禍，我就好好彩無受到傷，但同行嘅一位同事就撞穿咗個頭，流咗好多血！」
自言一年至少有四至五個月時間，於香港以外地方見客的Eric，放假時依然愛去旅行，似乎未有對「太空人式」生活有半點生厭，「不過放假就會揀啲relaxing啲嘅地方，飲吓食吓，放鬆自己。」
放假時，Eric愛旅行放鬆。圖為他年前到倫敦旅行。（受訪者提供）