香港雖然畀紐約搶咗集資天堂嘅地位，但無可否認，上市公司嘅行業真係夠多元化，尋日聽耀才證券主席葉茂林講，話佢私人持有嘅的士高都有意喺五年內搞上市。嘩！咁佢係咪搖身一變成為「的士高大王」？
葉茂林自爆話喺中環經營緊三間的士高，開業後六個月已經歸本，過去一年賺四千幾萬元。每間裝修三千萬元，每月租金百幾萬元，計一計，真係好賺錢！佢仲話長遠目標係將旗下嘅的士高上市，只要開夠八至十間就可以考慮喇，目標係五年時間完成！
葉茂林自爆喺中環經營三間的士高。（資料圖片）
