過多幾日就正式退休嘅教育局局長孫明揚，縱橫官場幾十年，出咗名係拆彈專家，尋日一班教育版記者就將一幅幫孫公改圖變身成拆彈專家嘅心意卡，送畀孫公留念。
孫公話任內最艱巨嘅係要同教育界就中學減班達共識，呻話最初只有二十幾間學校肯參加，佢於是要逐個區、逐間學校去游說，講到口水乾埋終於搞掂，但點知失驚無神殺出間英皇書院呢個「程咬金」。佢批評英皇舊生、天文台前台長「黑英」林超英眼光狹窄，淨係以中西區角度出發，冇諗過全港嘅利益，佢做得局長自然要以大局為重咁話。
孫公（中）揸住心意卡同有佢英文名嘅波衫，同陳維安（右）及楊哲安（左）向大家道別。
