SUN微博：打橫嚟講：幫香港做番啲嘢啦！

唔夠一星期，香港就回歸祖國足十五年了！呢十五年來，你做過乜呢？你為香港做過乜呢？當然，我常追問：香港政府（查實係啲庸官）為我們小市民做過乜呢？

深奧亦深層次的問題，須多加思索才講得準，但最直接、簡單的，我倒想新政府為我等蟻民做番啲嘢，嗱！那並非乜春派錢扶貧、撥地起公屋咁麻Q煩，講程序開會廢噏多過郁手實幹的大動作，只係一件好很卑微的小事而已！就係立即拆叉咗喺灣仔某棟大廈天台上那隻讓曾蔭權威咗近十年的弱能怪物——每年喪用幾百萬電費的「飛龍」光管Logo。

那隻弱能怪物，雞唔雞狗唔狗，似隻濕水地拖狗屎忽着火般慘叫狂奔，核突到無人有！幸好，煲呔極為心愛、視之係佢個人形象代表，還大量做成心口針，每日別在西裝衣領上炫耀，更甚者，香港好多電車外殼都髹上此神獸四圍行，影響市容。故此，依家，我懇請振英哥上場後，第一件事，就殲滅這象徵「個人崇拜」的妖物，哼，這可能是篤信風水厭勝術之天主教徒煲呔擺陣的「凶」器，唔快狠準咁毀屍滅迹，實在對香港不利，起碼不環保，光污染和豪花香港人的錢！

嗱！我提出這請求，是我想為香港做番啲嘢，而香港政府願唔願為香港、為市民的訴求回應呢？睇你啦！振英哥！

拆啦，包你攞番少許民望，信我啦！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：一年容易又放榜

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot