SUN微博：推到上報：我不能忘記你你你你你
所以話，為搵食，普羅大眾嘅創意真係無窮無盡。咁大個街市，咁多人賣瓜，點解我要買你啲瓜先？一望個牌，「買了我的瓜，忘了那個他」，嘩，連一向唔食瓜嘅小弟都即刻想買番兩碌。有唔少心邪網民話，呢啲瓜係賣畀女人o架啫。小弟就唔係好認同啦，正所謂一世人流流長，總會畀人呃幾次，遇上幾個ｘ街嘅。就好似唔少香港人咁，等咗咁耐，以為終於有個醒醒目目嘅，似係有所作為嘅上場啦，點知睇真啲，超！咪又係一個ｘ街！如果真係買咗呢條瓜，就可以忘記呢條ｘ街，逃避一番嘅，咁又真係唔怕買喎！
