SUN微博：Sun畸事：新聞自由倒退
貪曾：喂喂！做乜話我上場七年，新聞自由就倒退咗七年。
記者：梗係！以前我哋全靠「聽機」攞新聞，依家就連林公公都睇唔過眼，走去讀神學，我哋連「人肉錄音機」都冇埋？！
貪曾：咁……咁……咁……相關部門出車，你哋點都會知卦？
記者：知有咩用，依家警察、消防齊齊數碼化，最後又係要靠佢哋寫嚟新聞稿出嚟。
貪曾：咁唔係有新聞嘞咩？
記者：自己寫番自己，大事都變小事啦，正正就同你一樣，成個委員會出嚟檢討特首收禮物，個個都係自己人，咁仲點做新聞？
貪曾：你哋去現場囉。
記者：你個禿鷹好朋友到時又會用「黑影論」屈機，警權無限大呀！
貪曾：要對付「黑影」就要帶盞大光燈射佢嘞。
記者：＃＄︿（）（＆％︿＄％＆︿＄＆
（花生友如有對號入座，請食自己）