誰明老師心：為面子改變未嘗不可

學年試終於完結，輪到老師拚命改卷登分的時刻。只見學期初答卷仍不堪入目的同學，經過一年努力，終於有所進步。此時，拍檔惠淇來告訴我一個震撼的消息：

惠淇：「你知唔知我哋班皓仔會喺結業禮上台演講呀？」

我：「唔係啩！點解嘅？」

惠淇：「負責老師話想搵非精英班嘅同學分享讀書心得，本來搵咗我哋班阿龍，點知皓仔知道之後自薦話有好多嘢想同同學分享喎！」

皓仔在上學期各方面都表現差劣，有機會留級；但他家中幾近全部人都成功考進大學。由於「要面子」，下學期甫開始，皓仔即開始急起直追，總見他「捉住」不同科目的老師為他補習；又常問老師有何捷徑把所有知識讀得通透。最後他由全班二十多名晉升至頭四名。

「皓仔話想勉勵同學要珍惜時間讀書，唔好諗住臨急抱佛腳，仲叫人唔好諗住走捷徑添！」語畢，我和惠淇哈哈大笑，曾急功近利的人竟然鼓勵他人默默耕耘。其實我們做教育的，最大的滿足感不就是看到學生漸漸改變嗎？