SUN微博：Sun畸事：你唔鍾意，大可以離開！

原以為如此霸氣的句子只能出自警務處處長之口，沒想到禿鷹曾後繼有人，承傳者正是爛華早報新總編！李硬漢腳踏實地死亡本已離奇，華裔新總編將報道壓縮至簡訊篇幅，離奇中之離奇，大惑不解的編輯質問原因，竟換來如此一句：If you don't like it, you know what to do。

禿鷹曾：講嘢要有霸氣，而且要有續航力！你講咗幾日就縮沙發聲明辯解，太弱啦！

新總編：咁我新上任咗幾個月，先得三把火，冇禿鷹你咁多火嘛。

禿鷹曾：你係老總，畀個編輯仔蹺起，成何體統！係我就的佢入差館剝光豬羞辱一番再算！

新總編：初頭我都企硬o架，但啲鬼佬編輯祭出最高原則－透明度，我冇佢符o架喎。

禿鷹曾：做嘢就做嘢，要透明度嚟做咩！唔通差人查案過程又要公開？！

新總編：係囉！啲編輯咁鍾意透明，又使唔使睇實班記者點採訪點寫呀！

禿鷹曾：如果唔係阿頭一人說了算，咁搵個人做處長有咩意思？

新總編：咁又唔使咁激動，你阿哥已經惡絕香港，你唔鍾意，大可以離開！

（花生友如有對號入座，請食自己）