政壇：王忠桐唔搵仔女接棒
今年唔少城中富豪都積極交棒畀下一代，但王氏港建主席兼行政總裁王忠桐每年開股東會，都係嗰句「冇咁快退休」，仲話「身體好，做咩退休」，就連公司非執董許宏傑提出退休，王主席都耍手擰頭，再以自己做例子，勸老友繼續做，唔怪得股東們喺會上要祝佢哋長命百歲、身體健康啦！
咁曾做過電視藝員嘅兒子王賢誌幾時會接班？王主席就坦言，為人父母對仔女當然了解，知道阿仔做生意嘅興趣唔係公司業務，況且公司已有班底，管理好易，但就要專業人士至得，所以「唔會傳畀自己仔女」囉。但佢補充，集團依家唔係任何事都要自己理，佢一向都主張權力下放。
