人格障礙隨時向小童落手
【本報訊】野生獼猴被虐待，心理學家直指「兇手」可能患有人格障礙，若虐待動物時仍無法把憤怒情緒宣洩，有機會轉而向其他弱小目標下手，處身人群當中更可能會成為「危險人物」。
臨床心理學家葉妙妍稱，多隻獼猴嚴重受傷及潰爛反映並非打鬥造成，屬有人蓄意所為，「相信啲獼猴唔會用鏹水互相淋對方。」葉指，虐待獼猴及動物的人，本身可能長期受欺凌或冤屈，在無處宣洩下，便找弱小動物發洩，因為小動物反抗力弱，亦有口難言。
此外，葉估計，虐待動物人士可能是反社會主義者，或是有人格障礙人士，內心埋藏已久的憤怒在難以控制下，便利用暴力解決，「佢哋如果搵唔到動物發洩，可能會轉而喺弱小嘅小朋友身上，真係好危險！」葉形容此類人士為「危險人物」，若未能及時制止，恐怕會製造社會更大傷害。
政府應保護猴子
呂小朋友：「見過啲猴子斷手斷腳，有啲又爛眼，覺得虐待動物好唔應該，依家搞到啲猴子都好似驚咗人。」
蔡先生：「見到有啲猴子成身爛晒，應該係人為蓄意淋鏹先整到咁，政府應該做啲嘢保護佢哋。」