SUN微博：打橫嚟講：一派胡言 居心叵測

據《太陽報》在石崗深夜直擊，報道「解放軍裝甲車隊增援（駛入市區），七一防亂」，消息透露北京評估國家領導人訪港時的形勢，見特首選舉引起的政治爭拗，和內地民運人士李旺陽「被自殺」的冤案，會令七一遊行增添能量，加上警隊每每阻撓及干擾遊行人士自由表達的權利，製造多番對壘場面，兼毫不留情地亂噴胡椒噴霧，導致香港好似好亂好不穩定咁！咪令到解放軍有機會調派軍車入城戒備維穩囉！保護國家元首嘛！

報章傳媒見解放軍布防而作出如實報道，讓港人知情權得到彰顯和保障，有乜唔啱先？

當局被記者問及上述裝甲車橫行鬧市，是否為加強保安時，兇巴巴的駁斥「一派胡言」，吓！有相為證都一派胡言，咁！你手下那隻禿鷹嘅「黑影論」，又唔見你小佢！佢仲不知所謂啦！

嗱！老實講，香港人遊行二十三年來，都十分和平理性及克制的，從沒暴亂過，可入健力士大全o架！如果說個別場面有「火藥味」或「爭執」，你班差人問心吖？邊次唔係你哋精心炮製嘅先？尤以禿鷹上場後更甚；佢同貪曾煲呔一樣，死不認錯，今劑，仲累到領導人擔憂，令社會不和諧，事到如今仍然包庇呢隻鷹，有乜居心先？喂！你都要負責任啦！一派胡言！

香港人最想香港地安定祥和生活，邊個想個個星期上街遊行吖？

之不過，一班狗官搞衰晒，仲有隻禿頭鷹犬狐假虎威和好多不正義嘅事啫！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：（足球台）歐國盃gogogo!

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot