SUN微博:Sun畸事:足球萬歲
痴漢榮:李旺陽被自殺呀!
漏口鐘:是是是是是但啦。
痴漢榮:佢個妹仲失蹤緊!
漏口鐘:冇冇冇冇辦法o架。
痴漢榮:人哋為咗國家民主,砍頭也不回頭喎!
漏口鐘:六六四四嗰晚,咪咪咪去維園坐坐坐坐囉。
痴漢榮:解放軍殺到埋嚟喎!
漏口鐘:咁咁咁唔通去擋咩?
痴漢榮:迷債歐債明明係i-bank搞出嚟,但班友仲可賺大錢提早退休喎!
漏口鐘:咁咁咁人哋叻叻叻叻仔囉!
痴漢榮:公屋又少資產審查又勁嚴,私樓又貴到死喎!
漏口鐘:咁咁咁供幾幾幾幾多世都要供o架。
電視中,荷蘭球員剛入波。
漏口鐘:哇!!!Yeah!隔籬德國仲贏緊,最緊要係keep住個賽果打到完場,咁荷蘭就出線嘞!
(花生友如有對號入座,請食自己)