政壇：政商定格：鄧鉅明撈過界賣埋金飾
沙田馬場尋日舉行太子珠寶鐘錶精英盃，場內展示價值過百萬元嘅金飾，原來集團舊年將鎮金店收歸旗下，實行賣錶又賣金。集團主席及行政總裁鄧鉅明落力向貴賓推介金飾，太太Emily宣宏雁仲親身演繹集團得獎作「金秋銀葉」，仲要兩條頸鏈打孖戴，艷壓全場。而集團執行董事朱繼陶嘅太太鄧麗萍拖埋囝囝、新抱粉墨登場。
有傳候任特首梁振英暫時唔開放更多內地城市作個人遊，鄧鉅明就好唔贊成，佢話香港以金融同旅遊業為主，個人遊長遠對香港有利，若將有意來港嘅內地人拒諸門外，就係「部分人士」不負責任嘅行為。
一眾老友尋日喺馬場聚首，左起為鄧鉅明、愛沙尼亞共和國駐港名譽領事林建康、行政會議成員梁智鴻、林建康太太黃寧艷、名媛邱吳惠平、鄧宣宏雁同吳惠平幼女邱詠麒。
朱鄧麗萍（中）同囝囝朱國良（右）、新抱彭慧玲（左）一齊出席盛宴。