政壇：媽打變「無膽匪類」仲fit

尋日喺馬場撞到民政事務局前常秘「媽打」李麗娟同平等機會委員會主席林煥光兩公婆傾偈，咦！媽打精神咗又fit咗喎，佢笑言變咗「無膽匪類」，事關上月做咗切膽手術，瘦咗四、五磅，不過因禍得福，幾年前買嘅衫又啱着。

媽打話自己二十年內做過七次手術，最大得着係學識錫身，依家會煲花膠雞湯補身，每日來回中環香港會同畢打街行八千步，最近仲買咗部拉筋機玩添！

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

媽打（右）手術後精神猶勝從前，林煥光（中）同太太都戥佢開心。